Bhairavi Kavacham

भैरवीकवचम्

श्रीगणेशाय नमः ।

श्रीदेव्युवाच ।

भैरव्याः सकला विद्याः श्रुताश्चाधिगता मया ।

साम्प्रतं श्रोतुमिच्छामि कवचं यत्पुरोदितम् ॥१॥

त्रैलोक्यविजयं नाम शस्त्रास्त्रविनिवारणम् ।

त्वत्तः परतरो नाथ कः कृपां कर्तुमर्हति ॥२॥

ईश्वर उवाच ।

श्रुणु पार्वति वक्ष्यामि सुन्दरि प्राणवल्लभे ।

त्रैलोक्यविजयं नाम शस्त्रास्त्रविनिवारकम् ॥३॥

पठित्वा धारयित्वेदं त्रैलोक्यविजयी भवेत् ।

जघान सकलान्दैत्यान् यधृत्वा मधुसूदनः ॥४॥

ब्रह्मा सृष्टिं वितनुते यधृत्वाभीष्टदायकम् ।

धनाधिपः कुबेरोऽपि वासवस्त्रिदशेश्वरः ॥५॥

यस्य प्रसादादीशोऽहं त्रैलोक्यविजयी विभुः ।

न देयं परशिष्येभ्योऽसाधकेभ्यः कदाचन ॥६॥

पुत्रेभ्यः किमथान्येभ्यो दद्याच्चेन्मृत्युमाप्नुयात् ।

ऋषिस्तु कवचस्यास्य दक्षिणामूर्तिरेव च ॥७॥

विराट् छन्दो जगद्धात्री देवता बालभैरवी ।

धर्मार्थकाममोक्षेषु विनियोगः प्रकीर्तितः ॥८॥

अधरो बिन्दुमानाद्यः कामः शक्तिशशीयुतः ।

भृगुर्मनुस्वरयुतः सर्गो बीजत्रयात्मकः ॥९॥

बालैषा मे शिरः पातु बिन्दुनादयुतापि सा ।

भालं पातु कुमारीशा सर्गहीना कुमारिका ॥१०॥

दृशौ पातु च वाग्बीजं कर्णयुग्मं सदावतु ।

कामबीजं सदा पातु घ्राणयुग्मं परावतु ॥११॥

सरस्वतीप्रदा बाला जिह्वां पातु शुचिप्रभा ।

हस्रैं कण्ठं हसकलरी स्कन्धौ पातु हस्रौ भुजौ ॥१२॥

पञ्चमी भैरवी पातु करौ हसैं सदावतु ।

हृदयं हसकलीं वक्षः पातु हसौ स्तनौ मम ॥ १३॥

पातु सा भैरवी देवी चैतन्यरूपिणी मम ।

हस्रैं पातु सदा पार्श्वयुग्मं हसकलरीं सदा ॥१४॥

कुक्षिं पातु हसौर्मध्ये भैरवी भुवि दुर्लभा ।

ऐंईंओंवं मध्यदेशं बीजविद्या सदावतु ॥१५॥

हस्रैं पृष्ठं सदा पातु नाभिं हसकलह्रीं सदा ।

पातु हसौं करौ पातु षट्कूटा भैरवी मम ॥१६॥

सहस्रैं सक्थिनी पातु सहसकलरीं सदावतु ।

गुह्यदेशं हस्रौ पातु जनुनी भैरवी मम ॥१७॥

सम्पत्प्रदा सदा पातु हैं जङ्घे हसक्लीं पदौ ।

पातु हंसौः सर्वदेहं भैरवी सर्वदावतु ॥१८॥

हसैं मामवतु प्राच्यां हरक्लीं पावकेऽवतु ।

हसौं मे दक्षिणे पातु भैरवी चक्रसंस्थिता ॥१९॥

ह्रीं क्लीं ल्वें मां सदा पातु निऋत्यां चक्रभैरवी ।

क्रीं क्रीं क्रीं पातु वायव्ये हूँ हूँ पातु सदोत्तरे ॥२०॥

ह्रीं ह्रीं पातु सदैशान्ये दक्षिणे कालिकावतु ।

ऊर्ध्वं प्रागुक्तबीजानि रक्षन्तु मामधःस्थले ॥२१॥

दिग्विदिक्षु स्वाहा पातु कालिका खड्गधारिणी ।

ॐ ह्रीं स्त्रीं हूँ फट् सा तारा सर्वत्र मां सदावतु ॥२२॥

सङ्ग्रामे कानने दुर्गे तोये तरङ्गदुस्तरे ।

खड्गकर्त्रिधरा सोग्रा सदा मां परिरक्षतु ॥२३॥

इति ते कथितं देवि सारात्सारतरं महत् ।

त्रैलोक्यविजयं नाम कवचं परमाद्भुतम् ॥२४॥

यः पठेत्प्रयतो भूत्वा पूजायाः फलमाप्नुयात् ।

स्पर्धामूद्धूय भवने लक्ष्मीर्वाणी वसेत्ततः ॥२५॥

यः शत्रुभीतो रणकातरो वा भीतो वने वा सलिलालये वा ।

वादे सभायां प्रतिवादिनो वा रक्षःप्रकोपाद् ग्रहसकुलाद्वा ॥२६॥

प्रचण्डदण्डाक्षमनाच्च भीतो गुरोः प्रकोपादपि कृच्छ्रसाध्यात् ।

अभ्यर्च्य देवीं प्रपठेत्रिसन्ध्यं स स्यान्महेशप्रतिमो जयी च ॥२७॥

त्रैलोक्यविजयं नाम कवचं मन्मुखोदितम् ।

विलिख्य भूर्जगुटिकां स्वर्णस्थां धारयेद्यदि ॥२८॥

कण्ठे वा दक्षिणे बाहौ त्रैलोक्यविजयी भवेत् ।

तद्गात्रं प्राप्य शस्त्राणि भवन्ति कुसुमानि च ॥२९॥

लक्ष्मीः सरस्वती तस्य निवसेद्भवने मुखे ।

एतत्कवचमज्ञात्वा यो जपेद्भैरवीं पराम् ।

बालां वा प्रजपेद्विद्वान्दरिद्रो मृत्युमाप्नुयात् ॥३०॥

॥ इति श्रीरुद्रयामले देवीश्वरसंवादे त्रैलोक्यविजयं नाम

भैरवी कवचं समाप्तम् ॥

bhairavīkavacam

śrīgaṇeśāya namaḥ |

śrīdevyuvāca |

bhairavyāḥ sakalā vidyāḥ śrutāścādhigatā mayā |

sāmprataṃ śrotumicchāmi kavacaṃ yatpuroditam ||1||

trailokyavijayaṃ nāma śastrāstravinivāraṇam |

tvattaḥ parataro nātha kaḥ kṛpāṃ kartumarhati ||2||

īśvara uvāca |

śruṇu pārvati vakṣyāmi sundari prāṇavallabhe |

trailokyavijayaṃ nāma śastrāstravinivārakam ||3||

paṭhitvā dhārayitvedaṃ trailokyavijayī bhavet |

jaghāna sakalāndaityān yadhṛtvā madhusūdanaḥ ||4||

brahmā sṛṣṭiṃ vitanute yadhṛtvābhīṣṭadāyakam |

dhanādhipaḥ kubero'pi vāsavastridaśeśvaraḥ ||5||

yasya prasādādīśo'haṃ trailokyavijayī vibhuḥ |

na deyaṃ paraśiṣyebhyo'sādhakebhyaḥ kadācana ||6||

putrebhyaḥ kimathānyebhyo dadyāccenmṛtyumāpnuyāt |

ṛṣistu kavacasyāsya dakṣiṇāmūrtireva ca ||7||

virāṭ chando jagaddhātrī devatā bālabhairavī |

dharmārthakāmamokṣeṣu viniyogaḥ prakīrtitaḥ ||8||

adharo bindumānādyaḥ kāmaḥ śaktiśaśīyutaḥ |

bhṛgurmanusvarayutaḥ sargo bījatrayātmakaḥ ||9||

bālaiṣā me śiraḥ pātu bindunādayutāpi sā |

bhālaṃ pātu kumārīśā sargahīnā kumārikā ||10||

dṛśau pātu ca vāgbījaṃ karṇayugmaṃ sadāvatu |

kāmabījaṃ sadā pātu ghrāṇayugmaṃ parāvatu ||11||

sarasvatīpradā bālā jihvāṃ pātu śuciprabhā |

hasraiṃ kaṇṭhaṃ hasakalarī skandhau pātu hasrau bhujau ||12||

pañcamī bhairavī pātu karau hasaiṃ sadāvatu |

hṛdayaṃ hasakalīṃ vakṣaḥ pātu hasau stanau mama || 13||

pātu sā bhairavī devī caitanyarūpiṇī mama |

hasraiṃ pātu sadā pārśvayugmaṃ hasakalarīṃ sadā ||14||

kukṣiṃ pātu hasaurmadhye bhairavī bhuvi durlabhā |

aiṃīṃoṃvaṃ madhyadeśaṃ bījavidyā sadāvatu ||15||

hasraiṃ pṛṣṭhaṃ sadā pātu nābhiṃ hasakalahrīṃ sadā |

pātu hasauṃ karau pātu ṣaṭkūṭā bhairavī mama ||16||

sahasraiṃ sakthinī pātu sahasakalarīṃ sadāvatu |

guhyadeśaṃ hasrau pātu janunī bhairavī mama ||17||

sampatpradā sadā pātu haiṃ jaṅghe hasaklīṃ padau |

pātu haṃsauḥ sarvadehaṃ bhairavī sarvadāvatu ||18||

hasaiṃ māmavatu prācyāṃ haraklīṃ pāvake'vatu |

hasauṃ me dakṣiṇe pātu bhairavī cakrasaṃsthitā ||19||

hrīṃ klīṃ lveṃ māṃ sadā pātu niṛtyāṃ cakrabhairavī |

krīṃ krīṃ krīṃ pātu vāyavye hūm̐ hūm̐ pātu sadottare ||20||

hrīṃ hrīṃ pātu sadaiśānye dakṣiṇe kālikāvatu |

ūrdhvaṃ prāguktabījāni rakṣantu māmadhaḥsthale ||21||

digvidikṣu svāhā pātu kālikā khaḍgadhāriṇī |

Om̐ hrīṃ strīṃ hūm̐ phaṭ sā tārā sarvatra māṃ sadāvatu ||22||

saṅgrāme kānane durge toye taraṅgadustare |

khaḍgakartridharā sogrā sadā māṃ parirakṣatu ||23||

iti te kathitaṃ devi sārātsārataraṃ mahat |

trailokyavijayaṃ nāma kavacaṃ paramādbhutam ||24||

yaḥ paṭhetprayato bhūtvā pūjāyāḥ phalamāpnuyāt |

spardhāmūddhūya bhavane lakṣmīrvāṇī vasettataḥ ||25||

yaḥ śatrubhīto raṇakātaro vā bhīto vane vā salilālaye vā |

vāde sabhāyāṃ prativādino vā rakṣaḥprakopād grahasakulādvā ||26||

pracaṇḍadaṇḍākṣamanācca bhīto guroḥ prakopādapi kṛcchrasādhyāt |

abhyarcya devīṃ prapaṭhetrisandhyaṃ sa syānmaheśapratimo jayī ca ||27||

trailokyavijayaṃ nāma kavacaṃ manmukhoditam |

vilikhya bhūrjaguṭikāṃ svarṇasthāṃ dhārayedyadi ||28||

kaṇṭhe vā dakṣiṇe bāhau trailokyavijayī bhavet |

tadgātraṃ prāpya śastrāṇi bhavanti kusumāni ca ||29||

lakṣmīḥ sarasvatī tasya nivasedbhavane mukhe |

etatkavacamajñātvā yo japedbhairavīṃ parām |

bālāṃ vā prajapedvidvāndaridro mṛtyumāpnuyāt ||30||

|| iti śrīrudrayāmale devīśvarasaṃvāde trailokyavijayaṃ nāma

bhairavī kavacaṃ samāptam ||